Yeh Un Dino Ki Baat Hai!

Like
6

Ye un dino ki baat hai jab
School jana kisi jail jaane see kam na tha
Dudh ka glass khatam karna ek chunauti thi
Aur sahi pair me juta pehenna to jaise namumkin tha

Yeh un dino ki baat hai jab
Drawing karna sab hi ki hobby thi
Tiffin share karne se dosti pakki hoti thi
Aur Katti batti pe puri duniya kayam thi

Yeh un dino ki baat hai jab,
Hum ro dho kar baatein manwa liya karte the
Khilono ke liye asmaan sar pe uthana customary tha
Bhai beheno se chhipkar chocolate khane me koi burai nai thi

Yeh un dino ki baat hai jab
Maa ke aanchal me duniya samati thi
Papa ke kandhe se pura mela dikhta tha
Dard sirf chot lagne par hoti tha,
Aur Dil sirf cartoon miss hone par tut ta tha.

Yeh un dino ki baat hai jab,
Mann me hota tha bas wahi kehte the
Ladke ladkiyon me koi bhed na tha,
Sath baithne me hichkichahat to thi par khed na tha

Yeh un dino ki baat hai jab,
Zindagi 11 ke pahade jaisi asaan thi
Din bhar dhool me lotkar bhi mann ke saaf the.
Yeh unn dino ki baat hai, jab,
hum chhote bachche the.

Write to Author
Like
6
Written by:

Be First to Comment

Leave a Reply

Your email address will not be published. Required fields are marked *