Wo Chala Gaya

Like
2

Aaj chandni us be-ghar ho gaye ghar ki
Dahleeje laang rahi h

Ghanto se pasre, Murda sannate mein
Uski ceeekh, use pukaar rhi hain

Bejaan padi maa
Apni do baras ki poti ka haath
Thaam rahi hai

Tirange me lipte bete ko, Pita
Asruyo se bhari, Dhundhli padi nigaho se taak rhaa hai

Uske pass baitha uska mitr
Kuch samjh nhi paa rha hai

Pados wali chachi
Jisne use bachpan se khilaya tha
Usko hasane ke liye
Jisne khudko rulaya tha
Aaj roo bhi nahi paa rahi hai

Kya kabhi khil payega
Ye beeran pada Gghar
Ye sooch k chacha
Ghabra rahe hai

Aata hai fir uska khat
Jo usne ek raat likha tha…

Murda sannate ko todta
Kaapte haatho se pakad
Ladkhadati Juwan se
Uska mitra ye khat padta h

“Maa…
Tumhara ye beta agar kisi din
Apni Bharat Maa ko pyara ho jaye
To gham na karna
Tumhari tarah agar ye desh bhi mujh par haq jataye
To gum na krna
Kisi raat tera beta ghar na pahuch paaye
Toh gum na karna ”

(Apni chuppi tod maa
Cheeekh jati h
Apne bete se lipat
Maa usse rooth jati hai)

Mitra (reads after some time)

“Papa…
Iss khat m aapse ye baat kahu ki na kahu
Samjh nhi aata
Magar meri beti ko fauj me jarur bhejna”

“Tum…
Suno,
Apni Beti ko haste huye
Sabse chupi,
Apni prem kahani sunana
Jab jab tum muskuraogi
Saaye sa, mujhe apne kareeb paogi”

(Apne pati, ko saiya se uthane, wo hasne lagti h
Magar ab wo kaha uthne Wala)

“Chachi…
Aankh band krna
Aaunga mai tmhare pass, roz shaam ko
Mera hasta chehra
Tumhe pasand tha na”

“Oye…
Ye khat padne wale ladke
Chai peena mat chhodna
Mujhe akele peena aur tmhare bina rehna accha nhi lagta”

Ab tak to khat
Geela ho, sikud chuka tha

Sannate ko tod
Nanhi Padmavati boli
“Mai bhi Papa ki tarah Fighter plane udaungi”

Write to Author
Like
2
Written by:

Be First to Comment

Leave a Reply

Your email address will not be published. Required fields are marked *