Shool

Like
5

Tu phool hai iss baag ka, pyari si hai khushbu teri.
Is khushbu ke waste hi, tu waadiyon pe chha rahi.
Bhaware hoke manchale gungunate yuhi har jagah
Iss gungunahat se tera hai rang aur nikhar raha. ||1||

Par yaad kar tere saaye me hi hai wajood ek shool ka,
Chhupa hua chup chap sa, wo bhi deewana phool ka.
Hai use bhi khub ilm ye, ki bhaate hain bhaware tujhe
Hai koshishein ye uski par, kabhi zikr uska tu kare. ||2||

Na pankh hain na adayagi, yahi sochti hogi na tu
Badzaat hai gussail bhi, chubhta hua sabko phire
Iraade hi to na samjhi tu, ki fikar hai usko teri
Hath jo zakhmi kiye, tujhe todne ko wo the badhe. ||3||

Simti rahe khud me hi tu, na jaane uska wajood bhi
Tujhko bas vo hi dikhe, usse chah aisi ek shaam ki
Mana rang bhawro se tera,  par chaya uske naam hai
Aagaaz tujhse na sahi, par tujh pe hi anjaam hai. ||4||

Write to Author
Like
5
Written by:

Lucky enough to have been roving around since childhood,. Visiting new places and meeting new people has been my kind of favorite. Its amazing how words written simply can talk so loud. This thrill of writing got to my nerves and then CWS paved the way further.

Comments are closed.