Shehar

Like
4

Daud lagi hai raasto ki
Manzil ka nishaan kahi mil nahi raha
Khwaab bhikar rahe hai aankhon me
Ye shehar pehle jaisa ab lag nhi raha
Waqt toh har baar ki tarah sath chod hi dega
Hausla banaye rakhna ae dil
Mutthi se ret ki tarah usse fisalne na dena
Jab beet jaaye raat, savere ka intezaar tu khoob karna
Patango ki tarah uddna hai tujhe
Iss baat ko zehen se apne tu nikalne na dena
Main rok bhi lu agar mujhe tu fir samjha dena
Bohot dur jaana hai iss baat ka mujhe ehsaas dila dena
Mushkil lage iss shehar k sath daudna
Toh mujhe chalne ki aadat kara dena

Main ruth jau tumse toh muqaam ki tasveer dikhakar mujhe tum mana lena
Aankhon me mere base sapno ko tum padhte rehne
Main lakh band karlu aankhein
Tum har baar nayi roshni mujhe dikha dena!
Ek tum ho aur main hu bass
Zindagi issi ehsaas pe main jee jau
Ae dil tu mujhe itna kaabil bana dena
Fir ho chahe jitni raasto ki daud
Manzil mujhe mil hi jaayegi
Khawaab jod dena mere k dusre se
Tu aese ek naya shehar mujhe dikha dena!

Write to Author
Like
4
Written by:

Comments are closed.